अर्थालंकार - असंभव

आर्या-
अर्थाची उत्पती व्हाया संभव नसे; असंभव तो ॥
कोणास वाटलें कीं गौळ्याचा पोर शैल उपडिल तो ॥१॥

श्लोक-
अहो हा पाण्याचें निलय इति रत्नाकर इति ॥
मनीं भावोनीया दृढचि धरिला बाहिनिपती ॥
अगस्ती ब्रह्मर्षी चळभरचि याला करिल हें ॥
न वाटे कोणांते तिमि मकरनाशास्पदचि हें ॥२॥
आर्या-गज गोष्पदीं बुडाला ! हा दैवा ! सिंधु शोषिला मशकें ॥
न शके सोसाया हें वधिला तो केसरी कसा शशकें ॥३॥
द्रोणपर्व.