गणेशसुभाषितानि - अगजाननपद्मार्कं गजाननमहर्...

अगजाननपद्मार्कं गजाननमहर्निशं । अनेकदं तं भक्तानामेकदन्तमुपास्महे ॥१॥
अन्तरायतिमिरोपशान्तये शान्तपावनमचिन्त्यवैभवम् । तन्नरं वपुषि कुञ्जरं मुखे मन्महे किमपि तुन्दिलं मह: ॥२॥
अभिप्रेतार्थसिद्धयर्थं पूजितो य: सुरासुरै: सर्वविध्नच्छिदे तस्मै गणाधिपतये नम: ॥३॥
अविरलमदधाराधौतकुम्भ: शरण्य: फणिवरवृतगात्र: सिद्धसाध्यादिवन्द्य: । त्रिभुवनजन विघ्नध्वान्त विध्वंसदक्षो वितरतु गजवक्त्र: सन्ततं मड्रलं व: ॥४॥
अविरलविगलन्मदजलकपोलपालीनिलीनमधुपकुल: । उद्‍भिन्ननवश्मश्रुश्रेणिरवि द्विपमुखो जयति ॥५॥
अशेषविघ्नप्रतिषेधदक्षमन्त्राक्षतानामिव दिड्‍मुखेषु । विक्षेपलीलाकरशीकराणां करोतु व: प्रीतिमिभाननस्य ॥६॥
आनन्दमात्रमकरन्दमनन्तगन्धं योगीन्द्रसुस्थिरमिलिन्दमपास्तबाधम् । वेदान्तसूर्यकिरणैकविकासशीलं हेरम्बपादशरदम्बुजमानतोऽस्मि ॥७॥
आलम्बे जगदालम्बे हेरम्बचरणाम्बुजे । शुष्यन्ति यद्ररज: स्पर्शात्सद्य: प्रत्यूहव्याधय: ॥८॥
उच्चैरुत्तालगण्डस्थलबहुलगलद्दानपानप्रमत्तस्फीतालिव्रातगीतिश्रुतिविधृतिकलोन्मीलितार्धाक्षिपक्ष्मा । भक्तप्रत्यूहपृथ्वीरुहनिवहसमुन्मूलनोच्चैरुदञ्चच्छुण्डादण्डाग्र उग्रार्भक इभवदनो व: स पायादपायात् ॥९॥
उच्चैर्ब्रह्माण्डखण्डद्बितयसहचरं कुम्भयुग्मं दधान: प्रेड्खन्नागारिपक्षप्रटिभटविकटश्रोत्रतालभिराम: । देव: शममोरपत्यं भुजगपतितनुस्पर्धिवर्धिष्णुहस्तस्त्रैलोक्याश्चर्यमूर्ति: स जयति जगतामिश्वर: कुञ्जरास्य: ॥१०॥
एकदन्तद्रतिसित: शम्मो: सू नु: श्रियेऽस्तु व: । विद्याकन्द इवोद्भिन्ननवाड्‍कुरमनोहर: ॥११॥
एकरद द्बैभातुर निस्त्रिगुण चतुर्भुजोऽपि पञ्चकर । जय षण्मुखनुत सप्तच्छदगन्धिमदाष्टतनुतनय ॥१२॥
कल्याणं वो विधत्तां करटमदधुनीलोलकल्लोलमालाखेलद्रोलम्बकोलाहलमुखरितदिक्चक्रमालान्तरालम् । प्रत्नं वेतण्डरत्नं सततपरिचलत्कर्णतालप्ररोह- द्बाताड्‍कूराजिहीर्षादर विवृतफणाश्रृड्रभूषाभुजड्रम् ॥१३॥
क्तोडं तातस्य गच्छन्विशदबिसधिया शावकं शीतभानोराकर्षन्गालवैश्वानर निशितशिखारोचिषा तप्यमान: । गड्राम्भ: पातुमिच्छुर्भुज गपतिफणाफूत्कृतैर्दूयमानो मात्रा सम्बोध्य नीतो
दुरितमपनयेब्दालवेषो गणेश: ॥१४॥
गजाननाय महसे प्रत्यूहतिमिरच्छिदे । अपारकरुणापूरतरड्रितदृशे नम: ॥१५॥
गण्डस्थलीगलदमन्दमदप्रवाहमाद्यद्‍ द्बिरेफमधुरस्वरदत्तकर्ण: । हर्षादिवालसनिमीलितनेत्रयुग्मो विघ्नच्छिदे भवतु भूतप- तिर्गणेश: ॥१६॥
चलत्कर्णानिलोद्भतसिन्दिइरार्यणिताम्बर: । जयत्यकालेऽपि सृजन्सन्ध्यामिव गजानन: ॥१७॥
जेतुं यस्त्रिपुरं हरेण हरिणा व्याजाद्‍बलिं बध्नता स्रष्टुं वारिभवोद्भवेन भुवनं शेषेण धर्तुं धराम् । पार्वत्या महिषासुरप्रमथने सिद्धाधिपै: सिद्धये ध्यात: पञ्चशरेण विश्वजितये पायात्स नागानन: ॥१८॥
दन्ताग्रनिर्भिन्नहिमाचलोर्वीरन्ध्रोत्थिताहीन्द्रमणिप्रभौघे नागानन: स्तम्भधिया कपोलौ घर्षन्पितृभ्यां हसित: पुनातु ॥१९॥
दन्ताञ्चलेन धरणीतलमुन्नमय्य पातालकेलिषु धृतादिवराहलीलम् । उल्लाघनोत्फणफणाधरगीयमानक्रीडावदानभिभ- राजमुखं नमाम: ॥२०॥
दूरितसमूहबलाहकपटलीसंहरणपवमानम् ॥२१॥
दोर्द्योतद्दन्तखण्ड: सकलसुरगणाडम्बरेषु प्रचण्ड: सिन्दूराकीर्णगण्ड: प्रकटितविलसच्चारुचान्द्रीयखण्ड: । गण्डस्थानान्तघण्ड: स्मरहतनय: कुण्डलीभूतशुण्डो विघ्नानां कालदण्ड: स भवतु भवतां भूतये वक्रतुण्ड: ॥२२॥
नमस्तस्मै गणेशाय यत्कण्ठ: पुष्करायते ॥ मदाभोगघनध्वानो नीलकण्ठस्य ताण्डवे ॥२३॥
पायाद्रजेन्द्रवदन: स इमां त्रिलोकीं यस्योद्रतेन गगने महता करेण । मूलावलग्रसितदन्तबिसाड्‍कुरेण नालयितं तपनबिम्बसरोरुहस्य ॥२४॥
मड्रलकलशद्वयमयकुम्भमदभेतं भजत गजवदनम् । यज्ञनतोयतरलैस्तिलतुलनालम्बिरोलम्बै: ॥२५॥
य: सिन्धौ फेनराशिर्मुवि कुमुदवनं व्योम्नि नक्षत्रलक्ष्मीरब्धौ मुक्तासमूहस्तरुषु सुमनसो मानसे हंससड्घ: । श्रीकण्ठे भूतिलेश: शिखरिषु मणयो दिक्षु नीहारपात: पाण्डु: शुण्डाग्रजन्मा जयति गणपते: शीकराणां विलास: ॥२६॥
युगपत्स्वगण्डचुम्बनलोलौ पितरौ निरीक्ष्य हेरम्ब: । तन्मुखमेलनकुतुकी स्वाननमपनीय परिहसन्पायात् ॥२७॥ लक्ष्मीं तनोतु सुतरामितरानपेक्षमड्‍घ्रिद्वयं निगमशा- खिशिखाप्रवालम् । हेरम्बभम्बुरुहडम्बरचौर्यनिघ्नं विघ्नाद्रिभेदशतधारधुरन्धरं न: ॥२८॥
वन्दे वन्दारुमन्दारमिन्दुभूषणनन्दनम् । अमन्दानन्दसन्दोहबन्धुरं सिन्धुराननम् ॥२९॥
विघ्नध्वान्तनिवारणैकतरणिर्विघ्नाटवीहव्यवाट्‍ विघ्नव्यालकुलभिमानगरुडो विघ्नेभपञ्चानन: । विघ्नोत्तुड्रगिरिप्रमेदनपविर्विघ्नाम्बुधौ वाडवो विघ्नाघौघघनप्रचण्डपवनो विघ्नेश्वर: पातु व: ॥३०॥
विघ्नेश: सर्वविघ्नान्परिहरतु स यत्कर्णतालादुदञ्चद्वायुव्याधूतकण्ठस्थलयुगलगलद्‍भूरिसिन्दूरपूरै: । आरुण्याद्वैतभावं गतवति जगति कापि नो भाति भानुर्नैवासौ शीतभानु: क्कचिदपि नितरां भासते वा कृशानु: ॥३१॥
विघ्नेशो व: स पायाद्विहतिषु जलधीन्पुष्कराग्रेण पीत्वा यस्मिनुद्‍धृत्य तोयं वमति तदखिलं दृश्यते व्योम्नि देवै: । क्काप्यम्भ: क्कापि विष्णु: क्कचन कमलभू: क्काप्यनन्त: क्कचिच्छ्री: क्काप्यौर्व: क्कापि शैला: क्कचन मणिगणा: क्कापि नक्रादिसत्त्वा: ॥३२॥
शिवयो: सुधा हरिद्रादीप्तिमतो: सारभृज्जगत्पित्रो: । त्रिभुवन विघ्नध्वंसी करिकल्प: कश्चिदरुणिमा जयति ॥३३॥
सानन्दं नन्दिहस्ताहतमुरजरवाहूतकौमारबर्हित्रासान्नासाग्ररन्घ्रं विशति फणिपतौ भोगसड्कोचभाजि । गण्डोड्डीनालिमालामुखरितककुभस्ताण्डवे शूलपाणेर्वैनायक्यश्चिरं वो
वदनविधुतय: पान्तु चीत्कारवत्य: ॥३४॥
हस्तपड्कजनिविष्टमोदकव्याजसञ्चरदशेषपुमर्थम् । नौमि किञ्चिदवधूनितशुण्डादण्डकुण्डलितभण्डितगण्डम् ॥३५॥