चिन्तामणिषट्‍पदी - द्बिरदवन विषमरद वरद जयेशा...

द्बिरदवन विषमरद वरद जयेशान शान्तवरसदन । सदनवसादन सादनमन्तरायस्य रायस्य ॥१॥
इन्दुकल कलितालिक सालिकशुम्मत्कपोलपालियुग । विकटस्फुटकटधाराधारोऽस्य प्रपञ्चस्य ॥२॥
परपरशुपाणिपाणे पणितपणाये: पणायितोऽसि यत: । आरुह्य वज्रदन्तं विदधासि विपदन्तम् ॥३॥
लम्बोदर दूर्वासन शयधृतसामोदमोदकाशनक । शनकैरवलोकय मां यमान्तरायापहारिदृशा ॥४॥
आनन्दतुन्दिलखिलवृन्दारकवृन्दवन्दिताड्रघ्रियुग । सुराप्रदण्डरसालो नागजभालोऽतिमासि विभो ॥५॥
अगणेयगुणेशात्मज चिन्तकचिन्तामणे गणेशान । स्वचरणशरणं करुणावरुणालय पाहि मां दीनम् ॥६॥
रुचिरवचोमृतरावोन्नीता नीता दिवस्तुति: स्फीता । इति षट्‍पदी मदीया गणपतिपादाम्बुजे विशतु ॥७॥
इति चिन्तामणिषट्‍पदी समाता ॥