गणेशदिव्यदुर्गस्तोत्रम् - श्रीकृष्ण उवाच ॥ वद शिवमह...

श्रीकृष्ण उवाच ॥ वद शिवमहानाथ पार्वतीरमणेश्वर ॥
दैत्यसंग्रामवेलायां स्मरणीयं किमीश्वर ॥१॥
ईश्वर उवाच ॥
शृणु कृष्ण प्रवक्ष्यामि
गुह्याद्‍गुह्यतरं महत् ॥ गणेशदुर्गदिव्यं च शूणु वक्ष्यामि भक्तित: ॥२॥
त्रिपुरवधवेलायां स्मरणीयं कमीश्वर ॥ दिव्यदुर्गप्रसादेन त्रिपुराणां वध: कृत: ॥३॥
श्रीकृष्ण उवाच ॥
हेरम्बस्य दुर्गमिदं वद त्वं भक्तवत्सल ॥
ईश्वर उवाच ॥
शृणु वत्स प्रवक्ष्यामि दुर्गे वैनायकं शुभम् ॥४॥
संग्रामे च श्मशानेच अरण्ये चोरसंकटे ॥
नृपद्बारे ज्वरे घोरे येनैव मुच्यते भयात् ॥५॥
प्राच्यां रक्षतु हेरम्ब: आग्रेयामग्नितेजसा ॥
याम्यां लम्बोदरो रक्षेत् नैरृत्यां पार्वतीसुत: ॥६॥
प्रतीच्यां वक्ततुण्डश्र्च वायव्यां वरदप्रभु: ॥७॥
ऊर्ध्वं रक्षेत्धूम्रवर्णो ह्यधस्तात्पापनाशन: ॥
एवं दशदिशो रक्षेत् हेरम्बो विघ्रनाशन: ॥८॥
हेरम्बस्य दुर्गमिदं त्रिकालं य: पठेन्नर: ॥
कोटिजन्मकृतं पापं एकावृत्तेन नश्यति ॥९॥
गणेशाड्‍गारशेषेण दिव्यदुर्गेण मन्त्रितम् ॥
ललाटं चर्चितं येन त्रैलोक्यवशमानयेत् ॥१०॥
मात्रागमसहस्त्राणि सुरापानशतानि च तत्क्षणात्तानि नश्यन्ति गनेशतीर्थवन्दनात् ॥११॥
नैवेद्यं वक्ततुण्डस्य नरो भुड्‍क्ते तु भक्तित: ॥
राज्यदानसहस्त्राणि तेषां फलमवाप्रुयात् ॥१२॥
कादाचित्  पठयते भक्त्या हेरम्बस्य प्रसादत: ॥
शाकिनीडाकिनीभूतप्रेतवेतालराक्षसा: ॥१३॥
ब्रह्मराक्षसकूष्माण्डा: प्रणश्यन्ति च दूरत: ॥
भूर्जे वा ताडपत्रे वा दुर्गे हेरम्बमालिखेत् ॥१४॥
करमूले धृतं येन करस्था: सर्वसिद्धय: ॥
एक-मावर्तनं भक्त्या पठेन्नित्यं तु यो नर: ॥१५॥
कल्पकोटिसहस्त्राणि शिवलोके महीयते ॥
लिंगदानसहस्त्राणि पृथ्विदानशतानि च ॥१६॥
गजदानसहस्रं च गणेशस्तवनात् फलम् ॥
इति
श्रीपद्मपुराणे गणेशदिव्यदुर्गस्तोत्रं सम्पूर्णम् ॥