गणेशस्तोत्रम् - अधुना शृणु देवस्य साधनं य...

अधुना शृणु देवस्य साधनं योगदं परम् ॥
साधयित्वास्वयं योगी भविष्यति न संशय: ॥१॥
स्वानन्द: स्वविहारेण संयुक्तश्च विशेषत: ॥
सर्वसंयोगकारित्वाद्‍गणेशो मायया युत: ॥२॥
विहारेणा विहीनश्चायोगो निर्मायिक: स्मृत: ॥
संयोगाभेदहीनत्वाद्भवहा गणनायक: ॥३॥
संयोगायोगयोर्योग: पूर्णयोगस्त्वयोगिन: ॥
प्रह्लादगणनाथस्तु पूर्णो ब्रह्ममय: पर: ॥४॥
योगेन तं गणाधीशं प्राप्नुवन्तश्च दैत्यप॥
बुद्धि: सा पञ्चधा जाता चित्तरूपा स्वभावत: ॥५॥
तस्य माया द्बिधा प्रोक्ता प्राप्नुवन्तीह योगिन: ॥
तं विद्धि पूर्णभावेन संयोगायोगवर्जित: ॥६॥
क्षिप्तं मूढं च बिक्षिप्तमेकाग्रं च निरोधकम् ॥
पञ्चघा चित्तवृत्तिश्च सा माया गणपस्य वै ॥७॥
क्षिप्तं मृढं च चित्तं च यक्तर्मणि च विकर्मणि ॥
संस्थितं तेन विश्वं वै चलति स्वस्वभावत: ॥८॥
अकर्मणि च विक्षिप्तं चित्तं जानीहि मानद ॥
तेन मोक्षमवाप्नोति शुक्लगलगत्या न संशय: ॥९॥
एकाग्रमष्टधा चित्तं तदेवैकात्मधारकम् ॥
संप्रज्ञातसमाधिस्थं जानीहि साधुसत्तम ॥१०॥
निरोधसंज्ञितं चित्तं निवृत्तिरूपधारकम् ॥
असंप्रज्ञातयोगस्थं जानीहि योगसेवया ॥११॥
सिद्धिर्नानाविधा प्रोक्ता भ्रान्तिदा तत्र सम्मता ॥
माया सा गणनाथस्य त्यक्तव्या योगसेवया ॥१२॥
पञ्चधा चित्तवृत्तिश्च बुद्धिरूपा प्रकीर्तिता ॥
सिद्धयर्थं सर्वलोकाश्च भ्रमयुक्ता भवन्त्यत: ॥१३॥
धर्मार्थकाममोक्षाणां सिद्धिर्मिन्ना प्रकीर्तिता ॥१४॥
मोहदा सिद्धिरत्यन्तमोहधारकतां गता ॥
बुद्धिश्चैव स सर्वत्र ताभ्यां खेलति विघ्नप: ॥१५॥
बुद्धया यद्‍बुद्धयते तत्र एश्चान्मोह: प्रवर्तते ॥
अतो गणेशभक्त्या स मायया वर्जितो भवेत् ॥१६॥
पञ्चधा चित्तवृत्तिश्च पञ्चधा सिद्धिमादरत् ॥
त्यक्त्वा गणेशयोगेन गणेशं भज भावत: ॥१७॥
तत: स गणराजस्य मन्त्रं तस्मै ददौ स्वयम् ॥
गणानान्त्वेति वेदोक्तं स विधिं मुनिसत्तम ॥१८॥
तेन सम्पूजितो योगी प्रह्लादेन महात्मना ॥
ययौ गृत्समदो दक्ष स्वर्गलोकं विहायसा ॥१९॥
प्रह्लादश्च तथा साधु: साधयित्वा विशेषत: ॥
योगं योगीन्द्रमुख्यं स शान्तिद्धारकोऽभवत् ॥२०॥
विरोचनाय राज्यं स ददौ पुत्राय दैत्यप: ॥
गणेशभजने योगी स सक्त: सर्वदाऽभवत् ॥२१॥
सगुणं विष्णुरूपं च निर्गुणं ब्रह्मवाचकम् ॥
गणेशेन धृतं सर्वं कलांशेन न संशय: ॥२२॥
एवं ज्ञात्वा महायोगी प्रह्लादोऽभेदमाश्रित: ॥
ह्रदि चिन्तामणिं ज्ञात्वाऽभजदनन्यभावत: ॥२३॥
स्वल्पकालेन दैत्येन्द्र: शान्तियोगपरायण: ॥
शान्तिं प्राप्तो गणेशेनैकभावोऽभवत्पर: ॥२४॥
शापश्चैव गणेशेन प्रह्लादस्य निराकृत: ॥
न पुनर्दुष्टसंगेन भ्रान्तोऽभून्मयि मानद ॥२५॥
एवं मदं परित्यज्य ह्लोकदन्तसमाश्रयात् ॥
असुरोऽपि महायोगी प्रह्लाद: स बभूव ह ॥२६॥
एतत्प्रह्लादमाहात्म्यं य: शृणोति नरोत्तम: ॥
पठेद्बा तस्य सततं भवेदीप्सितदायकम् ॥२७॥
इति श्रीमुद्‍गलपुराने गणेशस्तोत्र्म सम्पूर्णम् ॥