राम गणेश गडकरी - गाण्याचा पाहुनि जलसा मन र...

गाण्याचा पाहुनि जलसा
मन रमलें नाहीं सहसा !
गोड सुरावट गायक ते,
गातां डुलती आयकते;
तालसुरांहीं ती मिळणी,
गुंगुनिया गेले कोणी;
परंतु माझें मन न वळे
कां माझें मजला न कळे !
सातसूर निसळुनि नादीं,
तानांची झाली गरदी
भिन्नत्वा येई ऊत,
नादाचें नाचें भूत !
जनसंमर्दा पहावया,
गेलों मी मज विसराया,
भिन्न देश, भाषा भिन्न
कृत्रिमेंच सृष्टी छिन्न,
कंटाळा आला पुरता,
तेथुनिही झालों सरता