अनुष्टुभ्

अनुष्टुभ्‍ य० पा०.
अनुष्टुप्‍  छंद ते ज्याला ॥ एक नेम नसे गणीं ॥
अक्षरें चरणीं आठ ॥ देवा तार मला त्वरें ॥
चरणांत अक्षरें ८. गणांचा नियम नाहीं. उदाहरण क्रमिक पुस्तकांतील.
केलें पात्र सुवर्णाचें । कीं विरुपशि खापरी ॥
लावितां तेज संहारी । तम दीपशिखापरी ॥
२ जाति - बृहती. पादाक्षरें ९.
३ मणिबंध. य० पा०.
त्या मणिबंधातें धरिती ॥ भ म स यत्पादा वरिती ॥
अक्षरसंख्या यास नऊ ॥ सन्मन लोण्याहून मऊ ॥
चरणांत अक्षरें ९. गण - भ, म, स.
उदाहरण
द्रव्य मिळावें याकरितां ॥ कां हलक्यांना आर्जवितां ॥
काय नव्हे हो तो धनवान् ॥ ईश रमेचा जो भगवान्‍ ॥१॥