वेदांत काव्यलहरी - पाळणा

चाल --- (राजस बाळा.)

निज गुरुनाथा । हालवितो मी पालख ताता ॥धृ०॥
चाल --- गुरुदेवा । श्रम तुज झाले ।
गति, स्थिती, लय जगताचा करिता ॥१॥
जा आतां । सुखशेजेला ।
दत्तशिशू । विनवी गुरुमाता ॥२॥
==
ईश्वरी अगाध लीला

पाळणा --- चाल (झिम्मा खेळू या)

निज निज रे बा धनशाम । तुजला हालविते सुखधाम ।
जगताचा हा करुनि पसारा । शिणला आत्माराम, ॥धृ०॥
तूं शशि रविदीपा उजळी । भूमी उदकीं कशि धरिली ।
खांबावांचुनि नील नभाचा । मंडप मोठा घालीग ॥१॥
बाइग छिद्रें किति देहांत । ठरवी जीवनवायू त्यांत ।
करणी याची अगाध बाई । निज निज दीनानाथ ग ॥२॥