वेदांत काव्यलहरी - आत्मज्ञानमहिमा

पद --- (अर्ध तुनु वारुली)

विवेक वैराग्याची जोडी, फुटतां कामा नये ॥
नातरि साधका फसतो स्वयें ॥१॥
प्रपंच त्यागुनि वनीं राहिला, तीर्थें कीं हिडला ॥
व्यर्थ जंव आत्मा नच जाणला ॥२॥
जंव न गुरुमुखें प्रतिति बाणली जपतप साधन फुकें ॥
विरेना अज्ञानाचें धुकें ॥३॥
जटाभर पंचाग्नी अथवा धूम्र वायु भक्षणें ॥
फोल ज्ञानाविण हीं साधनें ॥४॥
त्रिपुटि खंडुनी अभेद सुख जो नाहीं त्या चाखिलें ॥
मिटेना तळमळ, तोंवरि सळे ॥५॥