(गीति)
समरीं सिंधु निमाला, कळलें हें चक्रपाणि जनकास ।
माता उषा नि दुर्गा, करिती शोकास जाति समरास ॥१॥
दुर्गा अंकावरती, सिंधूचें घेउनी शवा करी शोक ।
अनिवार शोक झाला, अवरुन दहना करीत तो तोक ॥२॥
चंदन बेल पुनितशा, काष्ठांची तेधवां चिता रचिली ।
सिंधुसह दुर्गा ती, परलोकींच्या पथास अनुसरली ॥३॥
स्तविलें गजाननाला, भक्तीनें चक्रपाणिरायानें ।
त्यानें आज्ञा दिधली, वर मागें तूं रुचेल तो सुमनें ॥४॥
सदनीं अपुल्या यावें, मागे वर एक वार त्या देवा ।
मयुरावर बैसुनियां, गंडकि नगरींत जाइ तद्भावा ॥५॥