प्रसंग सतरावा - संग्राम करतो तोच योगेश्र्वरराणा

सत्ता ते अहंकाराची सासू । संताप मेहुणा बहु विश्र्वासु । त्‍याच्या कटकाचा केला हरासू । क्षण न लगतां ॥२०५॥
ऐसें आत्‍मत्‍वाचें भांडण । करूं जाणती ते साधुजन । येर अवरण घेऊन । गुंतलें गोंविती ॥२०६॥
नाहीं रिद्धिसिद्धीसी कारण । निळारंभें जिंतावयाचें शूरत्‍वपण । त्रिकुटी तीन वाटा जाण । मीन मागें रीघ केली ॥२०७॥
ऐसी हे अहंकाराची नामजादी । कौतुकें वागवितील अभेदीं । ते कैसेनि तरतील भवनदी । भूतें लांचगीं केली ॥२०८॥
ऐसे देहामध्यें घरबारी । जनांत म्‍हणविती बाळब्रह्मचारी । त्‍यांनी आपली दैना केली थोरी । बहु चंचळपणें ॥२०९॥
ऐसा जो प्रवतें भांडणा । तो जाणिजे योगेश्र्वरांचा राणा । तेणें कळिकाळ घातला आंकणा । सद्‌गुरूकृपेनें ॥२१०॥