प्रसंग सतरावा - योगसंग्राम

ऐका या ग्रंथाचें नाम । जाणिजे योगसंग्राम । वक्त्‍यां श्रोत्‍यां ठाऊक पडें वर्म । अंतर्गृह्यांचें ॥४१॥
प्रथम निर्गुण साकारिलें । सहजांत सहज विस्‍तारिलें । बावन्नाचे दळवाडे । मेळविले । स्‍थूळ धरूनियां ॥४२॥
आतां येथून योगसंग्राम । शूरत्‍वें सांगेन ऐका तमाम । श्रोतेजनीं होऊनियां सम । ऐक्‍यें परिसावें ॥४३॥
एक सांडूनियां संसार । होतील योगी दिगंबर । परतोनि धोवया अंतर । तें सांगतां जालों ऐका ॥४४॥
सांगेन ऐका बयाजवार । ज्‍यांनीं व्यापिलें हें शरीर । आत्‍महितास पडलें अंतर । ज्‍याचेनि गुणें ॥४५॥