अक्षरांची लेणी - पोळा

पोळीयाच्या दिसी गाई झाल्या वरमायां ।
याहिच्यापोटचे नंदी गेले मिरवाया ॥
पोळीयाच्या दिसी येसी बांधले तोरणं ।
मानाचे बैल जातील तोरणाखालून ॥
जमिनाचा भार उचलला कोनं?
गाईच्या पुतानं जुआले देली मानं ॥
गहू मी दळते एका मांडी मण-मणं ।
मह्या गं घरी वसुराजाचं लगनं ॥
पोळीयाचे दिसी पाच येढे मारोतीले ।
सावळया बंधूचे नंदी मानाचे पुढे ॥
सोन्याचं पिंपळपान पायात पैंजणं ।
मिरवाया नेले बाई नंदी नेणंत्या राघोनं ॥

किंवा
बैल नंदिण्याचे मोठे मोठे शिंग ।
दारकेच्या दिशी बांधले बाशिंग ॥