श्री स्वामी समर्थ - ओंकाराचा नाद

ओंकाराचा नाद उमटला
दत्त समाधीतुनी
आत्मानंदे घेत विसावा
त्रैलोक्याचा धनी

काशीक्षेत्री वास करितसे
कधी गाणगापुरी
औदुंबर, वाडीस राहिला
श्री कृष्णेच्या तिरी

प्रज्ञापुरि हा आला स्वामी
क्षेत्र पंढरीतुनी
आत्मानंदे घेत विसावा
समाधिस्त हा मुनी

ब्रम्ह सनातन विष्णु रूप हे
महेश गिरिजावर
भक्तांसाठी नित्य उभा हा
त्रिकाल परमेश्वर

नरनारायण स्वामी समर्था
तुम्हीच चिंतामणी
ओंकाराचा नाद घुमू दे
भक्तांच्या मन्मनी