हेंकोंडा कुनबी दुनला रांघे अन् त्याची बायको तीनदां रांघे

मराठी वाक्संप्रदाय - वाक्यप्रचार

( व.) [ हेंकोंडा = अडाणी ] अडाणी माणूस असल तर त्याला स्वयंपाकाचा अंदाज वगैरे साधत नाहीं, त्यास पुन्हांपुन्हां रांधावें लागतें. याची बायको तर त्याच्याहि पेक्षां अडाणी असल्यानें तिला अनेक वार रांधावें लागतें. त्यावरुन अडाणी माणसास कोणतेंहि कार्य सौकर्यानें व झटपट करतां येत नाहीं
त्याला पुन्हां पुन्हां तीच खटपट करावी लागते असा अर्थ. " पहिल्याच खेपेस टिपण करतांना संपूर्ण ग्रंथाचा कर्ता, ग्रंथाचें नक्की प्रकरण, पान, इ. माहिती लिहून ठेविली नाहीं
आतां बसला आहे पानें उलटीत व डोळे फोडीत. ‘ हेंकोंडा कुनबी दुनला रांधे न् त्याची बायको तिनदां रांधे.’ तशी गत करीत."