पापैश्च रोगैश्च भवेद्विमुक्तो धर्मो जयं प्राप्य समस्तकाले । जीवः स्वपाके फलमातनोति धनागमं मित्रकलत्रपुत्रैः ॥१॥
कार्यार्थनाशं च महाविरोधं विशेषमाप्नोति नरोऽतिसौख्यम् । श्रृङ्गारकोशस्य नरैश्च सौख्यं यदा भवेज्जीवगतो भृगुश्च ॥२॥
शनैश्चर पाकगतेऽथ जीवे दानं करोत्येव हि सर्वसौख्यम् । द्रव्यापहारं व्यसनादियुक्तं ज्वराविधातं व्यसने च सक्तिम् ॥३॥
सन्ध्या गुरोः पाकरविः स्वकाले धनागमं मित्रकलत्रकं च । चिरं वसेद्देशविदेशलाभं महत् प्रतापं विजयं च सौख्यम् ॥४॥
तीर्थागमे भवेत्सौख्यं पुत्रमित्रसमागमम् । धनलाभो भवेश्चैव गुरुपाके शशी यदा ॥५॥
अग्निचोरभयं नास्ति धनप्राप्तिः पदेपदे । राजमानं गृहे सौख्यं जीवमध्ये कुजे गतिः ॥६॥
जीवान्तरगते सौम्ये पुत्रधान्यं गृहे सुखम् । मांगल्यं च भवेन्नित्यं वस्त्रपातं सुखं भवेत् ॥७॥