नृपप्रसादो धनधान्यपुत्रकलत्रमित्राप्तिसुरत्नलाभम् ।
नीरोगतां शत्रुजयं च सौख्यं गुरोर्दशावाञ्छितमातनोति ॥१॥
गुरुमध्ये गुरुफलम् ।
जीव्यमाने सुतो बुद्धिर्धनधर्मार्थगौरवम् ।
हेम्नश्चाम्बरलाभश्च वर्णेभ्यो ह्यतिसञ्चयम् ॥२॥
गुरुमध्ये शनिफलम् ।
वेश्यास्त्रीमद्यशून्यैश्च भूषितः सुखवर्जितः ।
विलुप्तधर्मवस्त्रोऽसौ सौरिर्गुर्वनुगो यदा ॥३॥
गुरुमध्ये बुधफलम् ।
स्वस्थो मित्रयुतो भोगी गुरुदेवाग्निभक्तिकः ।
सुकृताचरणे सक्तो जीवस्यान्तर्गते बुधे ॥४॥
गुरुमध्ये केतुफलम् ।
पुत्रबन्धुक्षतो योगो युक्तः स्वस्थानवर्जितः ।
परिभ्रमति सर्वत्र केतावन्तर्गते गुरोः ॥५॥
गुरुमध्ये शुक्रफलम् ।
कलहं शत्रुवैरं च वित्तं मानसचिन्तनम् ।
स्त्रीभ्यो विघातमाप्नोति जीवस्यान्तर्गते सिते ॥६॥
गुरुमध्ये सूर्यफलम् ।
शत्रूणां संक्षयं सौख्यं नृपपूजा च लभ्यते ।
प्रचण्डसाहसाङ्गैश्च जीवस्यान्तर्गते रवौ ॥७॥
गुरुमध्ये चन्द्रफलम् ।
बहुस्त्रीरिपुभोगश्च रिपुर्भोगविवर्जितः ।
नृपतुल्यो भवेन्नित्यं चन्द्रे गुर्वन्तरागते ॥८॥
गुरुमध्ये भौमफलम् ।
तीक्ष्णशौर्यरिपुं जित्वा धनं कीर्ति च मानुषे ।
सुखसौभाग्यमारोग्यं गुरोन्तर्गते कुजे ॥९॥
गुरुमध्ये राहुफलम् ।
बन्धूद्वेगं रुजश्चैव कलहं मरणाद्भयम् ।