धर्मव्ययः कामरतेर्विनाशः स्त्रीपुत्रमित्रादिविदेशयानम् ।
मतिभ्रमं स्यात्कलिकुष्ठरोगभयं भवेद्राहुदशागमे सति ॥१॥
राहुमध्ये राहुफलम् ।
भयं स्वान्तर्गते राहौ रोगार्तः पापपीडितः ।
स्त्रीपुत्रमित्रनाशो वा कलहो वा स्वबन्धुभिः ॥२॥
राहुमध्ये शुक्रफलम् ।
सौहार्द विप्रभूपाभ्यां सङ्गः स्त्रीवित्तसञ्चयः ।
कलहे विजयः ख्यातो राहोरन्तर्गते सिते ॥३॥
राहुमध्ये रविफलम् ।
रिपुरोगभयं घोरं द्रव्यनाशो महद्भयम् ।
अग्निचोरभयं चैव राहोरन्तर्गते रवौ ॥४॥
राहुमध्ये चन्द्रफलम् ।
रिपुर्व्याधिर्महाभीतिर्बन्धुवित्तविनाशनम् ।
कलहो बन्धुविद्वेषो राहोरन्तर्गते विधौ ॥५॥
राहुमध्ये भौमफलम् ।
विषशस्त्राग्निचौरेभ्यो महाभीतिः पुनः पुनः ।
राहोरन्तर्गते भौमे वित्तस्त्रीबन्धुनाशनम् ॥६॥
राहुमध्ये बुधफलम् ।
बन्धुमित्रकलत्रादिवित्तभृत्युसुखान्वितः ।
न कुत्रापि भयं तस्य राहोरन्तर्गते बुधे ॥७॥
राहुमध्ये शनिफलम् ।
वातपित्तभवा रोगाः कलहो बान्धवैः सह ।
देशत्यागो धनभ्रंशो राहोरन्तर्गते शनौ ॥८॥
राहुमध्ये गुरुफलम् ।
नीरोगैः स्वगणैर्युक्तो देवद्विजरतो भवेत् ।
राहोरन्तर्गते जीवे धर्मतीर्थरतो भवेत् ॥९॥