प्राप्नोति सौरस्य दशाविपाके दुर्गादिसीमागिरिरक्षणं च ।
सुधान्यजीर्णाम्बरभूमिलाभं संयुज्यतेऽश्चैर्महिषादिभिश्च ॥१॥
शनिमध्ये शनिफलम् ।
बन्धुदारसुतार्थानां नाशो वा पीडनं भवेत् ।
विदेशगमनं दुःखं सौरे स्वान्तरसंस्थिते ॥२॥
शनिमध्ये गुरुफलम् ।
देवद्विजार्चनं सौख्यं धनवृद्धिगुणोदयः ।
स्थानाप्तिः कामनाप्तिश्च शनेरन्तर्गते गुरौ ॥३॥
शनिमध्ये राहुफलम् ।
वातरोगः कुक्षिपीडा देशान्तरगतिर्भवेत् ।
बुधद्वेषः सुखाभावो राहौ शनिदशां गते ॥४॥
शनिमध्ये शुक्रफलम् ।
बन्धुमित्रकलत्रार्थसुखसम्पत्समागमः ।
सौहार्द नृपतेर्लक्ष्मीः शनेरन्तर्गते सिते ॥५॥
शनिमध्ये रविफलम् ।
दारासुतधनार्थानां भीतिर्जीवितसंक्षयः ।
शनेरन्तर्गते भानौ सर्वत्राशुभदर्शनम् ॥६॥
शनिमध्ये चन्द्रफलम् ।
स्त्रीलाभं विजयं सौख्यं महीषीगोधनादिकम् ।
लभते कन्यकाजन्म शनेरन्तर्गते विधौ ॥७॥
शनिमध्ये भौम फलम् ।
बन्धुस्त्रीसुतनाशो वा विद्युत्पातभवं भयम् ।
महाव्याधिररिष्टं वा शनेरन्तर्गते कुजे ॥८॥
शनिमध्ये बुधफलम् ।
सौख्यं सौभाग्यमारोग्यं यशःसन्तोषवृद्धयः ।
सुत्दृत्स्थानादिलाभः स्याच्छनेरन्तर्गते बुधे ॥९॥