जलौकादेहपीडा च विदेशगमनं भवेत् । कुधान्यतिलमश्नाति शनिः स्वोपदशां गतः ॥१॥
धनबुद्धी रिपोः पीडाऽन्नपानादिहानिकृत् । विना स्नेहरसं भुंके सौरस्योपदशां बुधः ॥२॥
शत्रुचित्तभयं त्रासो दरिद्रं च बहुक्षुधा । नीचसङ्गं कुभक्षी च सौरस्योपदशां शिखी ॥३॥
द्यूतवेश्याभवेद्द्रव्यं महिषीकृष्यलाभदः । कन्याजन्मतदा गर्भः सौरस्योपदशां सितः ॥४॥
राजाधिकारस्तेजस्वी व्याधिः पीडा ज्वरो व्यथा । कलत्रकलहं चौरं सौरस्योपदशां रविः ॥५॥
प्रमाणबुद्धिप्राधान्यं बहुस्त्रीभोगवान् धनी । हविर्मधुक्षीरभोक्ता सौरस्योपदशां शशी ॥६॥
शस्त्रवह्निरिपोर्भीतिर्वतरक्तोपमानवः । भोजनं मधुसर्पिर्भ्या सौरस्योपदशां कुजः ॥७॥
धनभूमिपशुनाशं कटुतीक्ष्णाम्लभोजनम् । मृत्युर्विदेशगमनं सौरस्योपदशां तमः ॥८॥
गृहध्वंसो भवेत्स्त्रीभिः क्लेशप्रियानिरुद्यमः । किञ्चित्सौख्यमवाप्नोति सौरस्योपदशां गुरुः ॥९॥