तत्रादौ विंशोत्तरीदशान्तर्दशाफलान्तर्गतदशावाहनविचारः ।
स्वकीयजन्मनक्षत्राद्नणयेज्जन्मभावधि ।
नवभिस्तु हरेद्भागं शेषं तु शशिवाहनः ॥१॥
गर्दभो घोटको हस्ती महिषो जम्बुसिंहकौ ।
काको हंसौ मयूरश्च नवैते नरवाहनाः ॥२॥
दशाप्रवेशे नरवाहनश्च उत्पन्न भोगी जडतासमेतः ।
लज्जाविहीनो धनधान्यहीनः स्यान्मानवो वस्त्रविवर्जितश्च ॥३॥
चपलचञ्चलताबहुभक्षकः । प्रकटबुद्धिसघोषचमूपतिः ।
दृढतनुर्बहुकार्यकरो नरो तुरगयोर्यदि वाहनसंस्थितः ॥४॥
नानाकार्यकृते हि सौख्यजननो देवाधिपो वाहनः संतप्तो बहुमानता शुभगतिः सेनापतिः शोभनः ।
सर्वः सौख्यकरः सुभूषणधरः स्याच्चञ्चलो दुष्टता पाकोऽयं यदि वाहनो गजपतेर्नानाकलाकौशलः ॥५॥
महिषयोर्बलबद्धिविहीनता जयमलं प्रबलाग्निभयातुरम् । शकटयोः प्रबले बलसंयुतो महिषयोर्यदि वाहनता भवेत् ॥६॥
जम्बुके बहुतरैव चञ्चला व्याधिदुःखपरिपीडिताङ्गना । क्लेशता रिपुजनाच्च पीडिता धान्यनाशमतिसंक्षयो भवेत् ॥७॥
जम्बुकोत्पन्नभोगी च लाभभक्षस्तथैव च । श्वेतगश्वेतवस्त्रं च हानिः स्यात्क्रयविक्रयोः ॥८॥
दशाप्रवेशे यदि वाहनश्च सिंहो बलिष्ठो विविधैः प्रकारैः । उत्पन्नभोगी रिपुनाशकारी स्याद्वाहने केसरिणो विशेषः ॥९॥
काके वाहनसंस्थिते यदि दशा स्याच्चञ्चलो निर्भयो वत्सारो मलिनः कुवेषधरितो नीचैर्जनैः पूजितः ।
स्थाने राजभयं तथा रिपुभयं मानापमानं नराहुष्टार्तिः कलहं कुचेष्टितनरः स्त्रीद्वेषकारी भवेत् ॥१०॥
जनकलनिधिकेलिसमन्वितो द्विजपतेर्बहुजात्यसुखान्वितः । सदशनेमतिनां प्रबलायता सुगतिता चतुराननवाहनः ॥११॥
मयुरवाहनतो बहुलं सुखं धृति कलाकुशलो मखकेलिकृत् । मधुरवाक्ययुतो मधुरप्रियः सदशमे नरस्य समन्वितः ॥१२॥