उद्विग्नचित्तपरिखेदितवित्तनाशं क्लेशप्रवासगदपीडमहाभिघातम् ।
संक्षोभितःस्वजनबन्धुवियोगमेतिसूर्यादशा भवति राजकुलाभिघातः ॥१॥
सूर्यमध्ये सूर्यान्तर्दशा ।
सूर्ये राजकुलाल्लाभः पीडा स्यात्पित्तसंभवा ।
विपत्तथा बान्धवानां व्ययमेव हि सर्वतः ॥२॥
सूर्यमध्ये सोमान्तर्दशा ।
शत्रुसन्ध्यादिगमनं वित्तलाभं सुखावहम् ।
भवेदन्तर्दशायां हि सूर्यस्यैव यदा शशी ॥३॥
सूर्यमध्ये भौमान्तर्दशा ।
नृपाल्लाभः सुवर्णानि मणिरत्नप्रवालकम् ।
प्राप्यते यानमानं तु सूर्यस्यान्तर्दशां कुजे ॥४॥
सूर्यमध्ये राह्नन्तर्दशा ।
शङ्का मानं व्याधिकोपं वित्तनाशं जनक्षयम् ।
सर्वमत्राशुभं विद्यात्सूर्यस्यान्तर्गतस्तमः ॥५॥
सूर्यमध्ये गुरोरन्तर्दशा ।
गतव्याधिशरीरश्च अलक्ष्म्या त्यज्यते नरः ।
प्राप्नोति धर्मपदवीं भानोरन्तर्गते गुरौ ॥६॥
सूर्यमध्ये शनेरंतर्दशा ।
राज्यभङ्गः शक्तिहानिः सुत्दृद्वन्धुविवर्जितः ।
जायते तत्र वैकल्यं सूर्यस्यान्तर्गते शनौ ॥७॥
सूर्यमध्ये बुधान्तर्दशा ।
क्लेशः कष्टं च दारिद्यं पामाविचर्किकादिभिः ।
शरद्धान्यस्य निक्षिप्तं सूर्यस्यान्तर्गते बुधे ॥८॥
सूर्यमध्ये केत्वन्तर्दशा ।
देशत्यागं बन्धुनाशमर्थनाशं धनक्षयम् ।
केतावन्तर्गते सूर्ये सर्व चैवाशुभं भवेत् ॥९॥
सूर्यमध्ये शुक्रान्तर्दशा ।
शिरोरोगप्रबलेभ्यो ज्वरातीसारशूलयोः ।
शरीरे क्लेशमाप्नोति सूर्यस्यान्तर्गते भृगौ ॥१०॥