मित्रोपचारमशुभप्रमदाविलासं
श्वेतातपत्रनृपपूजितदेशलाभम् ।
हस्त्यश्वयानपरिपूर्णमनोरथाश्च
शुक्रे दशा सृजति निश्चलराज्यलक्ष्मीम् ॥१॥
शुक्रमध्ये शुक्रफलम् ।
शौक्रे स्त्रीसङ्गमो लाभो धर्मकामार्थसंयुतः ।
कौशल्यं च महाकीर्तिर्निधिलाभश्च जायते ॥२॥
शुक्रमध्ये रविफलम् ।
गण्डोदरक्षयं रोगैर्नृपवन्ध्यादिकैतवैः ।
उपपातो भवेन्नूनं शुक्रस्यान्तर्गते रवौ ॥३॥
शुक्रमध्ये चन्द्रफलम् ।
नखास्थिजशिरोरोगैः कामलाद्यामयैर्दशाम् ।
शरीरे क्लेशमाप्नोति शुक्रस्यान्तर्गतः शशी ॥४॥
शुक्रमध्ये भौमफलम् ।
वातपित्तक्षयो रोगो मदोत्साहोऽन्यसंशयः ।
भूयः स्थाद्भूमिलाभश्च शुक्रस्यान्तर्गते कुजे ॥५॥
शुक्रमध्ये राहुफलम् ।
अन्त्यजैः सह संक्लेशो बन्धूद्वेगः सुत्दृद्वधः ।
अकस्माद्भयमाप्नोति राहोन्तर्गतः सितः ॥६॥
शुक्रमध्ये गुरुफलम् ।
धान्यरत्नसमृद्धिं च भूमिपुत्रसुखावहः ।
श्रियं प्रभुत्वमाप्नोति जीवः शुक्रदशां गतः ॥७॥
शुक्रमध्ये शनिफलम् ।
वृद्धस्त्रीभिः सह क्रीडा पुत्रनाशो विपत्पदम् ।
शत्रुनाशः सुखप्राप्तिः सौरः शुक्रदशां गतः ॥८॥
शुक्रमध्ये बुधफलम् ।
धनागमश्च सौख्यं च मनोरथयशः श्रियः ।
नृपवल्लभता शौर्य शुक्रस्यान्तर्गते बुधे ॥९॥
शुक्रमध्ये केतुफलम् ।
कलहो बान्धवैः सार्द्ध रिपुनाशोऽरिविग्रहः ।
चलाचलं समग्रं च केतावन्तर्गते सिते ॥१०॥