जयाजीराव शिंदे व तुकोजीराव होळकर

श्लोक
ज्यांनीं बाहुबलें रणांत सगळे जिंकूनियां हो अरी
कीर्तीचे ध्वज आपुले उभविले या आर्यभूमीवरी,
त्यांचे पुत्र आम्हांस आज सहसा सोडूनियां चालतां
खेदानें न रडे खरा कवण तो सांगा मराठा अतां ? ॥१॥
राणोजी - परिसूनि नांवच अहो ज्याचें मराठा स्फुरे,
मल्हारी - परिसूनि नांवच अहो ज्याचें मराठा स्फुरे,
हा ! हा ! तत्कुलदीप हे विझुनियां गेले भले आज ना !
हा ! हा ! तत्कुलवृक्षगुच्छ बरवे कोमेजले आज ना ! ॥२॥
जुलै, १८८६.