विष्णोर्नाम गीता - भजन ९९

॥९९॥ मुत्तारणंतु नंदांकं ॥
उत्तारणो s सि तारस्त्वं तारयन् भवसागरात् ॥९२३॥
निगद्यसे दुष्कृतिहा हंता दुष्कृतिनां यतः ॥९२४॥
करोति कुर्वतां पुण्यं पुण्यो sतः स निगद्यते ॥९२५॥
दुःस्वप्नान्नाशयन् प्रोक्तो देवो दुःस्वप्ननाशनः ॥९२६॥
वीरहा मुक्तिदानेन संसारं हंति सर्वदा ॥९२७॥
रक्षयन् रक्षणः सत्व मधिष्ठाय जगत्रयम् ॥९२८॥
सन्मार्ग वर्तिनः संतो भवानेव तदात्मवान् ॥९२९॥
जीवयन् प्राणरूपेण जीवनः संप्रकीर्तितः ॥९३०॥
परितो व्याप्य विश्वं त्वं ध्रियसे पर्यवस्थितः ॥९३१॥
क्कग्न्यंकै र्माधवं देवं वंदेहं पर्यवस्थितम् ॥९९॥९३१॥