विष्णोर्नाम गीता - भजन ५४

॥५४॥ युगाक्षं नौमि सोमपम् ॥
सोमपो sसि पिबन् सोमं सर्व यज्ञेषु कीर्तितः ॥५०३॥
कीर्तितो sमृतप स्त्वंहि स्वात्मामृतरसं पिबन् ॥५०४॥
ओषधीः पोषयन् सोमः पार्वत्या वा वसन् शिवः ॥५०५॥
पुरून् जयसि यस्मात्त्वं पुरुजित् परिकीर्तितः ॥५०६॥
विश्वरूप श्चोत्तमस्त्वं गद्यसे पुरुसत्तमः ॥५०७॥
विनयो sसियतो दंडं दुष्टानां त्वं करोषि भोः ॥५०८॥
जयं स्त्वंहि जयः प्रोक्तः सर्वशत्रून् सदैव हि ॥५०९॥
सत्याः संधाः सत्यसन्धो यस्य संति सदैव सः ॥५१०॥
दाशो दानं तदर्हत्वात् दाशार्हः संप्रकीर्तितः ॥५११॥
सात्वतां पालनं कुर्वन् गद्यसे सात्वतां पतिः ॥५१२॥
मधुसूदनमर्काक्षै र्वंदेहं सात्वतांपतिम् ॥५४॥५१२॥