विष्णोर्नाम गीता - भजन ८५

॥८५॥ उद्भवं नौमि बाणाष्टं ॥
उद्भवः स्वेच्छया जन्म धर्माय धारयन्नसि ॥७९०॥
देवस्त्वं सुंदरः प्रोक्तः सौभाग्यादि युतोयतः ॥७९१॥
सुष्टुह्युन्दत्यतः सुंदो गद्यसे करुणाकरः ॥७९२॥
धारयन् रत्नमन्नाभिं रत्ननाभः प्रकीर्त्यसे ॥७९३॥
शोभनं लोचनं यस्य ज्ञानाख्यं स सुलोचनः ॥७९४॥
अर्को sसि पूजितैः पूज्यः प्रसन्नो वरदो भव ॥७९५॥
त्वंहि वाजसनः प्रोक्तो ददास्यन्नं यदर्थिनाम् ॥७९६॥
प्रलये धारयन् शृंगी शृंगं मत्स्यावतारवान् ॥७९७॥
रिपुन् जयसि तस्मात् त्वं जयंतः संप्रकीर्तितः ॥७९८॥
ज्ञानेनैव जितं सर्व मतस्त्वं सर्व विज्जयी ॥७९९॥
संकर्षणं नवांकागैः सर्व विज्जयिनं स्तुमः ॥८५॥७९९॥