विष्णोर्नाम गीता - भजन ४२

॥४२॥ व्यवसायं यमार्णवम् ॥
व्यवसायो sसि यस्मात्त्वं संविन्मात्र स्वरूपवान् ॥३८३॥
यस्मिन् विश्वं व्यवस्थानः कीर्तितो sसि त्वमेवसः ॥३८४॥
प्रलये संस्थिति र्यस्मिन् संस्थानः संप्रकीर्तितः ॥३८५॥
स्थानं कर्मानुरूपं यो ददाति स्थानदो विभुः ॥३८६॥
विनाशो वा विकारो वा नास्ति यस्य सवै ध्रुवः ॥३८७॥
परर्द्धिः कीर्तितो यस्य ऋद्धिः परा s नपायिनी ॥३८८॥
उच्यसे परमः सुष्ठु यस्य शोभा महत्तमा ॥३८९॥
संविदात्मतया स्पष्ट उक्तस्त्वं चित्स्वरूपतः ॥३९०॥
आनंदोसि स्वतः सिद्ध स्तुष्टः सच्चिस्वरूपवान् ॥३९१॥
गुणैः संपूर्ण रूपत्वात् पूर्णः पुष्टः प्रकीर्तितः ॥३९२॥
ईक्षणं शोभनं यस्य सो sसि प्रोक्तः शुभेक्षणः ॥३९३॥
गुणांक वह्निभिर्वंदे शुभेक्षण मधोक्षजम् ॥४२॥३९३॥