विष्णोर्नाम गीता - भजन ९

॥९॥ ईश्वरं श्रीधरं वदे ॥
ईश्वरो विश्वशक्तीना, मधिष्ठाता प्रभु र्भवान् ॥७४॥
शूरस्त्वं विक्रमी यस्मा, द्बिक्रम्य जितवानरीन् ॥७५॥
त्वमेव कीर्त्यसे धन्वी, रामः शस्त्रभृतां वरः ॥७६॥
यस्य बुद्धिर्विशाला s स्ति, मेधावी स प्रकीर्तितः ॥७७॥
विचक्रमे जगद्विश्वं, तस्मात्त्वं विक्रमः प्रभुः ॥७८॥
क्रमणात् क्रमहेतुत्वाच्छ्रेष्ठै स्त्वं गीयसे क्रमः ॥७९॥
अनुत्तमो भवान्यस्मा, त्त्वत्समो नास्ति कोपि हि ॥८०॥
त्वं नशक्यो दुराधर्षः, परै र्धर्षयितुं सदा ॥८१॥
वेत्ति कृता s कृतं यो s सौ, कृतज्ञः परिकीर्तितः ॥८२॥
क्रियाधारतया त्वंहि, गद्यसे कृति नामकः ॥८३॥
यत्तिष्ठन् स्वमहिम्नि त्वं कथ्यसे प्रभु रात्मवान् ॥८४॥
आत्मवंतमहं वंदे, युगेभैः श्रीधरं सदा ॥९॥८४॥