आडाला अडकाठी, नद्या वाहती वाळवंटी

मराठी वाक्संप्रदाय - वाक्यप्रचार

    काही नद्या अगदी कोरड्या असतात पण त्या ऐसपैस वाळवंट व्यापून पसरलेल्या असतात. परंतु आडांत पाणी असून ते मात्र कोंडून ठेवलेले असते. त्याला वाहावयास मात्र मुळीच जागा, सवड नसते. त्याप्रमाणें काही लोकांच्या ठिकाणी मुळीच ज्ञान किंवा पात्रता नसून ते मोठी अधिकाराची जागा किंवा एखादे मोठे कार्यक्षेत्र निरर्थक अडवून बसतात व ज्याच्या ठिकाणी खरोखर ज्ञान किंवा पात्रता असते त्याला मुळीच संधि किंवा अवसर सापडत नाही.