अंगार्‍याला गेला, पांगारा घेऊन आला

मराठी वाक्संप्रदाय - वाक्यप्रचार

    अंगारा पहा.
    एखादा मनुष्य आजारी असला म्हणजे अज्ञानी लोकांत देवास कौल लावून त्याचा अंगारा आणून लावावयाची पद्धति आहे. त्याप्रमाणें एखाद्या आजारी मनुष्याकरितां अंगारा आणावयास पाठविलेल्या मनुष्यानें तिकडेच दीर्धकाळ राहून इतका उशीर केला कीं, इकडे हा गेगी मरण पावून त्यास दहन करण्याची वेळ आली व अंगारा आणावयाच्या ऐवजीं दहनाकरितां पांगार्‍याचीं लांकडें आणावयाची त्यावर पाळी आली म्हणजे म्हणतात. एअखाद्या कामांत इतका विलंब लावणें कीं तें काम सफल होण्याचि वेळ टळून जाऊन पूर्ण बिघडल्यानंतर येणें. यावरून अत्यंत दिरंगाई करणें
    विलंब लावणें
    अतिशय दीर्धसूत्रीपणा करणें.
    मोठा पराक्रम करण्यासाठीं जाऊन अगदीं क्षुल्लक गोष्ट करून येणें.