उचलली कळ, दाल्ला घेऊन पळ

मराठी वाक्संप्रदाय - वाक्यप्रचार

(व.) नसती कळ (भांडण, वाद) काढून एखादीला सळो की पळो केले, इतके की दाल्ला म्हणजे नवरा घेऊन पळण्याची पाळी तिजवर यावी, तर असे म्हणतात. किंवा आपला नवरा घेऊन समाईक कुटुंबापासून वेगळे राहण्याचे एखाद्या सुनेच्या मनात असल्यास ती सासू, सासरा, दीर, नणदा इत्यादिकांबरोबर काही तरी भांडणाची कुरापत उकरून काढते. नसते भांडणाचे निमित्त कोणी काढील तर त्यास अनुलक्षून ही म्हण वापरतात.