यादृग्द्रेष्काणगाः सौम्या उच्चस्था वा स्ववर्गगाः । नित्यं भुञ्जयते लक्ष्मीर्वरदा सत्यवादिनी ॥१॥
द्रेष्काणमात्म प्रकरोति सौम्यः केन्द्रत्रिकोणे सुगते बलिष्ठः । द्रव्याधिकं मानगुणैः समेतं विद्यान्वितं सर्वकलासु दक्षम् ॥२॥
द्रेष्काणपे सौम्यगते निरीक्षिते शुक्रेक्षिते स्याद्विविधं च सौख्यम् । आरोग्यतां मानयशोभिवृद्धिस्वदेशकर्मप्रकटं विरुद्धम् ॥३॥
द्रेष्काणे शशिसंयुतेक्षिते वा भौमेक्षितेस्याद्भगुनन्दने वा । वयः प्रमाणेन फलन्ति कर्म धर्मे धनं स्याद्विविधप्रकारैः ॥४॥
द्रेष्काणः केन्द्रगः कुर्यादुच्चस्थो भूपतिगृहे । स्वक्षेत्रस्य स्वभूतार्थ मित्रे सन्मानयागमम् ॥५॥
तथा पणफरस्थाने स्वमित्रोच्चगृहाश्रयः । सन्मित्रं पार्थिवं तद्वद्धनिनं चक्रता नरम् ॥६॥
आपोक्लिमे च व्युत्पन्नो मित्रस्वगृहदा च भूः । अपत्यं हि सदाचारं कृषितः प्राप्तवित्तकम् ॥७॥
शत्रुनीचाश्रिता ये च तेषां तत्तुल्यके तनौ । व्रणे घातादिकं चापि वदेत्तदनुपूर्वकम् ॥८॥