मेषेऽस्तसंस्थे च भवेत्कलत्रं क्रूरं नराणां च खलस्वभावम् ।
पापानुरुक्तं कठिनं नृशंसं वित्तप्रियं साध्यपरं सदैव ॥१॥
वृषेऽस्तसंस्थे च भवेत्कलत्रं सुरुपकं वाक्प्रणतं प्रशान्तम् ।
पतिव्रताचारुगुणेन युक्तं फलाधिकं ब्राह्मणदेवभक्तिम् ॥२॥
तृतीयराशौ च भवेत्कलत्रे कलत्रयुक्तं सुधनं सुवृत्तम् ।
रुपान्वितं सर्वगुणोपपत्रं विनीतवेषं गुणवर्जितं च ॥३॥
कर्केण युक्ते च मनोहराणि सौभाग्ययुक्तानि गुणान्वितानि ।
भवन्ति सौम्यानि कलत्रकाणि कलङ्कहीनानि सुसंयुतानि ॥४॥
सिंहेऽस्तसंस्थे च भवेत्कलत्रं तीव्रस्वभावे च खलं च दुष्टम् ।
विहीनवेषं परसद्मयुक्तं वसुप्रियं स्वल्पकृतं कृशं च ॥५॥
कन्येऽस्तसंस्थे च भवेत्सुदाराः सुरुपदेहास्तनयैर्विहीनाः ।
सौभाग्यभोगार्थनयेन युक्ताः प्रियंवदाः सत्यधनाः प्रगल्भाः ॥६॥
तुलेऽस्तसंस्थे गुणगर्विताङ्ग्यो भवन्ति नार्यो विविधप्रकाराः ।
पुण्यप्रिया धर्मपराः सुदान्तप्रसूतपुत्राः पृथिवीविनीताः ॥७॥
कीटेऽस्तसंस्थे विकलासमेता भवेच्च भार्या कृपणा नराणाम् ।
सुशिक्षिता च प्रणयेन हीना दुर्भाग्यदोषैर्विविधैः समेता ॥८॥
चापेऽस्तसंथे च भवेत्कलत्रं नृणां सुदुष्टं विगतस्वभावम् ।
विस्त्रस्तलज्जं परदोषरक्षं युद्धप्रियं दम्भसमन्वितं च ॥९॥
मकरो यदिचेद् द्यूने भार्या दम्भान्विताऽधमा ।
निर्लज्जा लोलुपा क्रूरा दुःस्वभावा च क्लेशिता ॥१०॥
घटेऽस्तसंस्थे च भवेत्कलत्रं नृणां सुदुष्टं विसगतस्वभावम् ।
देवद्विजानां सततं प्रत्दृष्टं धर्मध्वजं सत्सु क्षमासमेतम् ॥११॥
मीनेऽस्तसंस्थे च विकारयुक्तं भवेत्कलत्रं कुमतिं कुपुत्रम् ।
स्वधर्मशीलं प्रणयेन हीनं सदा नराणां विकलप्रियं च ॥१२॥