गायीला वासराचे व बायकोला पोराचें मीस

मराठी वाक्संप्रदाय - वाक्यप्रचार

   गाय दूध देते ती वासराकरितां व स्‍त्री मुलाकरितां. गाय घरी येते ती वासराकरितां व स्‍त्री घरात राहते ती मुलांचा सांभाळ करण्याकरितां म्‍हणून, तिला मुलांचे प्रेम असते म्‍हणून. गाय फळते ती वासरूं हवे म्‍हणून व स्‍त्री पुरुषाचा संग करते ती मूल व्हावे म्‍हणून, यांत दोघांचाहि स्‍वार्थ असतो. कोणीहि आपल्‍या स्‍वार्थाशिवाय कोणतीहि गोष्‍ट करीत नाही. [मॅनवेरिंगनें गाय आपल्‍या वासरास मारीत नाही व आई आपल्‍या पोरास मारीत नाही असे स्‍पष्‍टीकरण दिले आहे ते पटत नाही. मिष म्‍हणजे निमित्त तेव्हां वासराकरितां, त्‍याच्या निमित्ताने म्‍हणून गाय काही तरी करते व बायको पोराच्या निमित्ताने पण काही तरी काम करते, असा स्‍पष्‍ट ध्वनि या म्‍हणींत आहे.]