अश्वाकारं लिखेच्चक्रमश्वधिष्ण्यादितारकाः । वदनात्सृष्टिगा देया अष्टाविंशतिसंख्यया ॥१॥
मुखाक्षिकर्णशीर्षेषु पुच्छांघ्री युग्मसंख्यया । पञ्चपञ्चोदरे पृष्टे सौरिर्यत्र फलं ततः ॥२॥
मुखाक्षिकर्णशीर्षस्थो यदा सौरिस्तुरङ्गमें । तदारिर्भङ्गमायाति रणे शत्रुवशं गतः ॥३॥
कर्णाघ्रिपृष्ठे पुच्छस्थे अश्वाङ्गेष्वर्कनन्दने । विभ्रमं भङ्गहानिं च कुरुतेऽसौ महाहवे ॥४॥
एतत्स्थानास्थितः सौरिः सदा काले हयस्य च । पट्टबन्धे गमे युद्धे वर्जयेत्तं हयं नृपः ॥५॥
देशान्तरस्थितः सौरी रिपवः सन्ति शङ्किताः । तुरङ्गा यस्य भूपस्य विचरन्ति महीतले ॥६॥