लाभस्थाने ग्रहाः सर्वे राज्यलाभफलप्रदाः ।
गजाश्वपतिमीप्सां च सौम्याः कुर्वन्ति निश्चितम् ॥१॥
सूर्यण युक्तः स्वविलोकितो वा लाभालये तस्य गणोऽत्र चेत्स्यात् ।
भूपालतश्चौरकुलात्कलेर्वा चतुष्यदादेर्बहुधा धनाप्तिः ॥२॥
चन्द्रेण युक्तं च विलोकितं वा लाभालयं चन्द्रगणाश्रितं चेत् ।
जलाशयस्त्रीगजवाजिवृद्धिः पूर्णे भवेत्क्षीणतरे विलोमात् ॥३॥
लाभालयं मङ्गलयुक्तदृष्टं प्रकृष्टभूषामणिहेमलब्धिः ।
विचित्रयात्राबहुसाहसी स्यान्नानाकलाकोमलबुद्धियोगैः ॥४॥
लाभे सौम्यगणाश्रिते सति युते सौम्ये च सद्विक्षिते नानाकाव्यकलाकलापविधिना शिल्पेन लिप्या सुखम् ।
युक्तिर्द्रव्यमया भवेद्धनचयः सत्प्ताहसैरुद्यमैः सख्यं चापि वणिग्जनैर्बहुतरं क्लीबैर्नृणां कीर्तितम् ॥५॥
यज्ञक्रियासाधुजनानुयातो राजाश्रितोत्कृष्टकृपो नरः स्यात् ।
द्रव्येण हेमप्रचुरेण युक्तो लाभे गुरौ वर्गनिरीक्षणं चेत् ॥६॥
लाभालये भार्गववर्गयाते युक्तेक्षितं वा यदि भार्गवेण ।
वेश्याजनैर्वापि गमागमैर्वा सद्रौप्यमुक्ताप्रचुरस्य लब्धिः ॥७॥
लाभवेश्मनिरीक्षितियुक्ते तद्वणेन सहिते सति पुंसाम् ।
नीललोहमहिषीगजलाभो ग्रामवृन्दपुरगौरवमिश्रम् ॥८॥
युक्तेक्षिते लाभगृहे सुखाख्ये वर्गे शुभानां समवस्थिते च ।
लाभो नराणां बहुधाथवास्मिन् सर्वैर्ग्रहैर्युक्तनिरीक्ष्यमाणे ॥९॥