पहिली माजी वोवी पहिल्या पनांत
विठ्ठल बनांत विठाबाई
दुसरी माजी वोवी नाई दुजा भाऊ
जनीमंदीं पाहूं पांडुरंग
तिसरी माजी वोवी तिरगुनी आरती
साकशा पिठती विठ्ठलाची
चवथी माजी वोवी चऊ येळुयेळां
तुळशीच्या माळा हरीच्या गळां
पांचवी माजी वोवी पांची पंचवीस
हुरद्यांत ठसं विठ्ठलाच्या
साव्वी माजी वोवी मीं ग गाईली
दिवा मी वहिला विठ्ठलाला
सातवी माजी वोवी सातवं रिफाट
रंगल्यांत व्हट विठ्ठलाच
आठवी माजी वोवी आठी तुळशीपत्र
वाळत्यात धोतरं विठ्ठलाचीं
नववी माजी वोवी नवीन गाईली
फुलं मी वाहिली विठ्ठलाला
धावी माजी वोवी घेऊनी आक्रीत
चांदूबा खिडकीत आंगुळीशी
अकरावा माजी वोवी बांधा पीठकूट
धरा नीट वाट पंढरीची