(जेथें) नगार्‍याची घाई, तेथे टिमकीचें काई

मराठी वाक्संप्रदाय - वाक्यप्रचार

[घाई=जलद आवाज] नगारा वाजवीत असतां शेवटी शेवेटी खूब जलद आघात करून आवाज काढतात त्‍यास घाई किंवा घाईची टिपरी म्‍हणतात. अशा वेळी नगार्‍याचाच मोठा आवाज जलद जलद निघत असतां टिमकीचा आवाज कोणास ऐकूं जाणार? यावरून मोठ्या गोष्‍टीची जेथे दाद लागत नाही तेथे हलक्‍या सलक्‍या वस्‍तूची कोण पर्वा करतो. जेथे मोठमोठ्यांची गडबड उडालेली असते तेथे लहान लहान लोकांना कोण विचारतो.