संत तुकाराम - ज्ञानराज माझा योग्यांची म...

संत तुकाराम गाथेत समाविष्ट न केलेले अप्रसिद्ध अभंग


ज्ञानराज माझा योग्यांची माउली । जेणें निगमावली प्रगट केली ॥१॥

छप्पन्न भाषेचा केलासे गौरव । भवार्णवीं नाव तारावया ॥२॥

गीता अलंकारी नामें ज्ञानेश्वरी । ब्रम्हानंद लहरी प्रगटली ॥३॥

श्रवणाच्या मिसें बैसावें येवोनी । समरस होवोनी सुखें नांदा ॥४॥

अध्यात्म विद्येचें करुनियां रुप । उजळिला दीप चैतन्याचा ॥५॥

तुका म्हणे ग्रंथश्रेष्ठ ज्ञानदेवी । एक तरी ओवी अनुभवावी ॥६॥

N/A


References : N/A
Last Updated : March 21, 2008