श्रीदत्तात्रेयाचे अभंग - द्वैताद्वैत सर्व खोटें । ...

द्वैताद्वैत सर्व खोटें । पैल रुप तें गोमटें ॥१॥

नाहीं रुपरंग जेथें । गुण आकृति वोखटें ॥२॥

सर्वां विसरुनी जावें । तेव्हां आपें तेंचि व्हावें ॥३॥

व्हावें परी जें नेणावें । नेणुनीचि तें जाणावें ॥४॥

जेथें जाणणें नेणणें । व्यर्थ श्रम हें बोलणें ॥५॥

मन वाणी पैल रंग । दृश्यादृश्य सर्व सोंग ॥६॥

अवघा मायेचा बाजार । क्षराक्षरातीत पर ॥७॥

सर्वाधार सर्वा विण । ’रंग’ व्यर्थ वाणी शीण ॥८॥