मध्यखंड - अनुहात

आतां चक्र अनुहात । पत्रीं जप पांच शत । एवं व्दादश दळिं होत । साठि शतें ॥७२॥
ये चक्र्म श्वासु संचरे । जपु उठे ठ कारे । क ठ मध्यें व्दादशाक्षरें । क्रमी तेथें ॥७३॥
येकि घटिका तेविस पळें । पत्रीं दिवसु इतुका चळे । आठ मुहूर्तें चाळीस पळें । अवघां चक्रीं ॥७४॥
चहुं चक्रांचे प्रमाण । चाळिस पळें घटिका येकावन । ते अनुहात शंखवर्ण । अतिशुभ्र ॥७५॥
येथ वाचा पश्यंती । आत्म ऋषि कळा ज्योति । कारण देह उर्ध्दगती । येथूनि पुढां ॥७६॥
महर्लोक दुसरें कूट । मृत्यु भुवन मध्य पीठ । हे मध्यखंड प्रगट । कंठ कटि ॥७७॥
सामवेद महावाक्य । तत्वमसि ब्रह्म ऐक्य । सुषुप्ती अवस्था शक्य । तिये ठाइ ॥७८॥
तें शिवलिंग शंभुदेवत । उभा शक्तिसी नांदत । नां बीज मुख्य भूत । वायु तेथें ॥७९॥
मन चाळक स्पर्श गुणु । ग्रासु निवडे येथुनु । तो सप्त धातु मिळोनु । जाय रसु ॥८०॥
॥ इति अनुहात ॥