शेवटचें पद

श्रीमद्‌सद्‌गुरु बांदकरकृत समग्र कविता सग्रह.

श्री बांदकर महाराजानीं आपला पुण्य देह शके १८२४ आश्विन वद्य प्रतिपदा या दिवशीं ठेविला ! खालील पद देह ठेव्ण्यापूर्विं फक्त तीन दिवस म्हणजे-आश्चिन शुद्ध दिवशीं ठेविला ! खाली पद देह ठेवण्यापूर्विं फक्त तीन दिवस म्हणजे-आश्विन शुद्ध त्रयोदशी दिवशीं केलें आहे ! व हेंच पद त्यांचें शेवटचें होय !!!
पद.
पाहुंयारे कृष्ण जो मर्दिं कालियाला ॥ जेणें बहुत पाडिले देहविषें त्याला ॥धृ०॥
माझें मीच हें विषोदक पाजुनि लोकां ॥ होता करित रात्रंदिन पात्र दु:ख शोका ॥ मोठा शत्रु शिरोमणि बाधक सकळांला ॥जेणें०॥१॥
करिं पुच्छ शिरावरि पाय फणा मर्दीं ॥ करिं टाळ वाजवुनि गाति भक्त गदीं ॥ यद्भजन नुरवि तिळ दु:ख समुद्राला ॥जेणें०॥२॥
विष्णु कृष्ण जगन्नाथ सच्चित्सुख कळला ॥ ज्यां त्यां जिवांचा देहभाव गळला ॥ देह मीपणा नुरवुनि रमवि सज्जनाला ॥जेणें०॥३॥

( भजन )

सीताराम-सीताराम-सीताराम-सीताराम-ऋषिवर-कविवर-मुनिवर-तरले-या निजमंत्रें भव हें नाम.

॥ जय जय रघुवीर समर्थ ॥

॥ श्री बलभीम मारुतिराय की जय ॥

श्री समर्थ रामदास वैष्णव सद्‌गुरु श्रीकृष्ण जगन्नाथ चरणारविंदेभ्यो नम: