Dictionaries | References

उजवी

   
Script: Devanagari
See also:  उजवा , उजवें

उजवी

 वि.  
   दक्षिणचा ; उजवीकडचा ; डावा याच्या उलट ; दक्षिण .
   सरस . मुलापेक्षा , म्हणे मुलगी उजवी .
   सरळ . [ सं . ऋजु ]
०हात  पु. ज्यावर अवलंबून आहे असा , पूर्ण विश्वासांतला मनुष्य ; अव्वल मदतनीस ; निकट सहकारी . इतकें झाल्यावर सोकरजी ऑलबॉश साहेबांचा अगदीं उजवा हात बनला . - भयंकर दिव्य . उजवी गुढी देणें संमति देणें ; कबूल करणें ; परवानगी देणें . गुढी पहा .
०घालणें   उजवीकडे राहील अशा तर्‍हेनें भोंवती फिरणें ; प्रदक्षिणा करणें . विनयें पुसोनि उजवें घालुनि तैं त्या सुरापगातनया । - मोशांति ७ . ८१ . उजवा घालितां अवनि देश . - मोस्त्री ६ . ३७ . देवाला उजवें घालून येतें . गाईला उजवी घाल .
०बाजू  स्त्री. 
   राजसभेंत उजव्या बाजूस बसलेली मंडळी ; मोठे मानकरी लोक .
   विश्वासूक , अतिशय उपयुक्त असा राजेलोकांचा उजवा हात असलेला माणूस . उजवी डावी देणें - होय - नाहीं स्पष्ट म्हणणें ; होकार किंवा नकार देणें . उजवी देणें -
   उजव्या बाजूकडे जाऊं देणें .
   मूर्तीच्या अंगाला लावलेले तांदूळ , फुलें वगैरेपैकीं उजव्या बाजूकडील खालीं पडणें ; कौल देणें .
   संमति देणें ; होकार देणें .
०जाणें   उजवीकडून जाणें .

Comments | अभिप्राय

Comments written here will be public after appropriate moderation.
Like us on Facebook to send us a private message.
TOP