अघाडीचा गेला वेळ पिच्छाडी तरी सांभाळ

मराठी वाक्संप्रदाय - वाक्यप्रचार

   एखाद्या शत्रूला प्रथम जो विरोध करावयाचा तो जरी करतां आला नाहीं तरी मागाहून तरी त्याचा प्रतिकार करावा. एखाद्या गोष्टीला प्रतिबंध करतां आला नाहीं तरी मागाहून तरी प्रतिकार करणें अवश्य असतें. किंवा अर्धे अधिक आपल्या हातून गेलें तरी राहिलेलें तरी संभाळण्याचा प्रयत्न करणें अवश्य आहे. वास्तविक कोणतेंहि संकट येण्यापूर्वीच त्यास प्रतिबंध करण्याची तजवीज करणें अवश्य आहे. पण ती संधि जरी आपल्या हलगर्जीपणामुळें अगर अन्य कारणानें गेली तरी संकट आल्यावर तें निवारण करण्याची तरी शक्य ती खटपट करणें अवश्य आहे.