आनंदाच्या वार्ता, तेथे सांगे रडकथा

मराठी वाक्संप्रदाय - वाक्यप्रचार

    जेथे सुखासमाधानाच्या गोष्टी चालल्या आहेत, सर्व लोक आनंदाचा उपभोग घेत आहेत अशा ठिकाणी जर कोणी आपले रडगाणें गाऊ लागला तर सर्वांचा विरस होतो व सर्वांच्या आनंदावर विरजण पडते. याकरितां दुसर्‍याच्या सुखाचा विनाकारण भंग करूं नये. आपल्याला होणारे दुःख वेळ प्रसंग पाहून दुसऱ्याजवळ उघडे केल्यास त्याबद्दल सहानुभूति मिळून अपहार करण्याच्या कामी साहाय्यहि मिळण्याचा संभव असतो. पण तीच गोष्ट भलत्याच वेळी केल्यास आपल्या रडगाण्याकडे कोणी लक्षहि देत नाही व त्यांच्या मात्र आनंदांत मिठाचा खडा पडल्यासारखे होते.