अंगाईगीत - संपवून कामधाम यावें तुझि...
मोजक्या आणि शेलक्या शब्दांचा वापर करून निर्माण झालेलें अंगाईगीत काव्य प्रामाणिकपणें मनांत आलेल्या आईच्या भावनेचा आविष्कार करते.
संपवून कामधाम यावें तुझियाजवळ
पापणीशीं झेपलेंलें जरा सारावें जावळ
आवराया बाळचाळे कवळावें दोही हातीं
रागारागावत गाल कुस्करावे भुक्या ओठीं
घ्यावें बळेंच कुशींत गात अंगाई लाडकी
काऊ चिऊंची धाडावी हट्टी झोपेला पालखी !
गंध पाकळींत रात सांजावल्या क्षितिजांत
तशी यावी नीज डोळां रेशमाच्या पावलांत
जड मिटतां पापणी घ्यावें ओढून उबेंत
मायकुशीला लाभावें शिंपपण भाग्यवंत !
N/A
References : N/A
Last Updated : January 02, 2008
TOP