जो जो जो ग वेल्हाळ । करि निद्रा गुणि बाळा जो जो जो ग ॥
कन्यारत्न ही जन्मली । बहु सुकृत चांगली । ऋषीनें शोधुनियां पाहिली । शुद्धमतीं गायिली । जो जो जो ग ॥
पालक चंदनसा कातियला । रंगवुनी तयार केला । खिडक्या कंगूरे हिरे मोतीं त्याल । गोफ चहूंबाजूंला ।
आणुनी मंदिरीं बांधियला । वरी चांदवा दिला । वाजंत्री वाजती सदरेला । भिमक संतोषला । जो जो जो ग ॥
कुंच कुंचली चढवुनी । घडवुनी बाळ लेणीं । सखया येतीती घेवोनी ।
शुद्ध ओटी भरुनी । नांव ठेविलें रुक्मिणी । गूळपान वाटोनी । जो जो जो ग ॥