सप्ताह अनुष्ठान - ईश्वराच्या अर्तक्य लीला

मंगळवार ता. १४-१०-१९३०

देवा तूझी लीला कैशी कळणार । आम्हां समजणार अज्ञानांना ॥१॥
डोळे असुनी अंध, आम्ही अज्ञानाने । ऐकू ये ना काने कांही आम्हां ॥२॥
वाचा असोनियां मूक आम्ही झालो । अबुद्ध बनलो अज्ञानाने ॥३॥
कांही न चाल वार्ता या बुद्धिची । येथे विचाराची उलट होत ॥४॥
कांही जरी केले न कळे आम्हांसी । तुझ्या संकल्पासी बोलतां नये ॥५॥
आम्ही जे जे कांही ठरवावे भक्तीने । तुझ्या संकल्पाने न ते होय ॥६॥
विनायक म्हणे आम्हां पामरांसी । कैशी चाले मती तुझ्याठायी ॥७॥