|
न.
एक लहान ग्राम्य जनावर ; बिल्ली याचा रंग पांढरा , काळा , पिवळा , उदी , मुगी इ० , केंस मऊ व तुळतुळीत , डोळे घारे व शेपूट लांब असतें . हें उंदीर मारुन खातें ह्यास अंधारांत फार चांगलें दिसतें . रानमांजराची जात फार क्रूर असते .
गाजराचा गाभा , सुळा . [ सं . मार्जार ; प्रा . मंजार ] म्ह०
मांजराचे गळ्यांत घाट कोणी बांधावी ? =( स्वसंरंक्षणार्थ युक्ति म्हणून सर्व उंदरांनीं , मांजराच्या गळ्यांत घांट बांधल्यानें तिचा आवाज होऊन मांजर आलेलें कळेल , असें ठरविलें पण घांट बांधण्यास कोणी पुढें होऊना यावरुन ) दिसण्यांत सोपी पण करण्यास अशक्य अशी गोष्ट .
( व . ) मांजरीचें दांत तिच्या पिलास खात नाहींत = आपलें मनुष्य कितीहि बोललें तरी राग येत नाहीं .
मांजर गेलें लुटी आणि आणल्या चार मुठी .
०आडवें - ( ल . ) एखाद्या कामास अडथळा येतो अशी समजूत आहे यावरुन . )
येणें - ( ल . ) एखाद्या कामास अडथळा येतो अशी समजूत आहे यावरुन . )
०मारणें पाप करणें ; ( मार्जारवध हें एक पातक आहे यावरुन ल . ) अपराध , गुन्हा करणें . माझ्या घरांत मांजर व्याली काय ?- ज्यानें भेटीस यावयाचें सोडलें आहे त्यास म्हणतात . मांजराची मावशी स्त्री . चिचुंद्री ( कारण मांजर ह्या प्राण्यास मारीत नाहीं ). मांजराचे पाय पुअव . ( ल . ) गिचमिड , चिडबिड अक्षर . कुत्र्याचे पाय या शब्दाशीं सामान्यतः जोडून उपयोग . मांजराचे पाय कुत्र्यावर करण एखाद्या गोष्टींत , कामांत कांहीं तरी लटपट , गडबड करणें . सामाशब्द -
०झांक प - संधिप्रकाश व रात्र यांच्या दरम्यानची वेळ ( यावेळीं मांजरें दृष्टीस पडत नाहींत यावरुन ).
०डोळ्या वि. मांजराच्या डोळ्याप्रमाणें डोळे असलेला ; घारडोळ्या .
०मुतवणी न. कोमट पाणी , द्रव .
०वेल स्त्री. तांदुळाची एक जात . मांजरी स्त्री .
खाकेंत होणारी गांठ . ( या गाठीवर उपाय म्हणून तीवर लोणी लावून तें मांजराकडून चाटवितात . यावरुन ); खाकमांजरी पहा .
घुसळखांबाच्या रवीच्या फासाच्या दोर्‍या प्रत्येकी ; मांजरें ; मांदिरें .
मांजरांना फार प्रिय असलेली एक वनस्पति .
( कों . ) किसणी ; विळी .
( कों . ) मांजराची स्त्री . भाटी .
( गो . ) चटई ( लव्हाळ्याची ).
०कवळप ( कों . ) अंथरुण गुंडाळणें . मांजरुं न . मांजर ( कोणत्याही लिंगीं - लडिवाळपणानें , तिरस्कारानें ). मांजरें न . घुसळखांबाची दोरी . मांजर्‍या स्त्रीअव . उंदर्‍यामांजर्‍या पहा .
|